အေးအေးဆေးဆေး စာရေးချင်သည်

Category: ,

ကုန်လွန်ခဲ့သော တစ်နှစ်ခွဲတာကာလအတွင်း ဖြစ်ပျက်သမျှ အပြောင်းအလဲများနှင့် မတူညီသောဝန်းကျင်နေရာဒေသအသီးသီးက  ကျွန်မဘ၀နေထိုင်မှုပုံစံကို သိသိသာသာ ပြောင်းလဲစေခဲ့သည်။ ၀န်ထမ်းဘ၀၊ ကျောင်းသူဘ၀ နောက်တော့ (အိမ်ထောင်မရှိသော) အိမ်ရှင်မဘ၀။ အလုပ်လုပ်စဉ်၊ ပညာသင်ယူစဉ်က တစ်ပတ်မှာငါးရက်ရုံးတက်၊ ကျောင်းတက်ပြီး ကျန်သောအားလပ်ရက်မှာ ကျွန်မဆန္ဒရှိရာ၊ ၀ါသနာပါရာကိစ္စတွေကို နောက်ဆံတင်းစရာမလိုဘဲ တစိုက်မတ်မတ် လုပ်ကိုင်နိုင်ခဲ့သည်။ ကျွန်မအသက် ၂၂နှစ်အရွယ်ကတည်းက မိသားစုနှင့်ခွဲပြီး ရပ်ဝေးမြေမှာ တစ်ကိုယ်တည်းနေခဲ့သူမို့ ကိုယ့်အချိန်ကိုယ် အပြည့်အ၀ပိုင်သည့် ဘ၀မျိုးမှာ ဆယ်စုနှစ်ကျော်ကြာအောင် အသားကျနေခဲ့ပြီ။

ခုတော့… ကျွန်မသည် ဟိုတုန်းကအဖြစ်နှင့် လုံးလုံးလျားလျားဆန့်ကျင်ကာ နေ့စဉ်ရက်ဆက် လူမမာမိခင်နှင့် များပြားလှသော အိမ်မှုကိစ္စတွေကြား ဗျာများနေရသည်။ မနက် ၇နာရီခွဲမှ ညအိပ်ရာဝင်ချိန်ထိ အလုပ်တွေ ဇယ်ဆက်သလို တစ်ခုပြီးတစ်ခုလုပ်ရင်း နေ့ရက်တွေ တစ်ရက်ပြီးတစ်ရက်ကုန်ဆုံးသွားခဲ့သည်။ ကျွန်မအတွက် အားလပ်ရက်သီးသန့်ဆိုတာမျိုးမရှိ။ ဒီလိုအခြေအနေကြားထဲက ကျွန်မ အချိန်ယူပြီး စာရေးဖို့ ကြိုးစားကြည့်သော်လည်း မအောင်မြင်သည်က များပါသည်။

ကျွန်မ၏ တစ်နေ့တာအချိန်ဇယားကို ပြန်ကြည့်လိုက်တော့ မနက်ခင်းမှာ ဈေးဝယ်ထွက်ပြီး အိမ်ပြန်ရောက်လျှင် ဘုရားပန်းအိုးနှင့် သောက်တော်ရေများ အသစ်လဲကပ်ပြီးသည်နှင့် မီးဖိုချောင်ဝင်ရသည်။ မနက်ဆယ်နာရီမှာ အိမ်သို့ဆွမ်းခံကြွသော သံဃာအမှီ ချက်ပြုတ်ရသည်။ အပတ်စဉ် တနင်္လာနေ့လို ဆွမ်းချိုင့်ကပ်လှူသည့်ရက်မျိုးမှာ အိမ်ဆွမ်းအပြင် ကျောင်းဆွမ်းအတွက် စတီးချိုင့်အကြီးငါးချိုင့်အပြည့်စာ ဆွမ်းနှင့်အချိုပွဲ အချိန်မီထည့်နိုင်အောင် ချက်ပြုတ်စီမံရသည်။ မနက်စာချက်ပြုတ်ပြီး ဘုရားဆွမ်းတော်ကပ်ပြီးလျှင် အမေ့ကို ထမင်းကျွေးရသည်။ အမေထမင်းစားနေစဉ် သံပုရာရည်ဖျော်၊ အမေထမင်းစားပြီး သံပုရာရည်သောက်ချိန်မှာ လျှော်စရာအ၀တ်များကို စက်ထဲထည့်ပြီး ပန်းကန်ခွက်ယောက်များဆေးကြောသည်။ 

၁၁နာရီလောက်မှာ ကျွန်မအမောဖြေရင်း သတင်းစာဖတ်သည်။ ပြီးတော့ ထမင်းစားသည်။ ထမင်းစားသောက်ဆေးကြောပြီး အရင်နေ့ကလှမ်းထားသော အ၀တ်ခြောက်များကိုရုတ်သည်။ မခြောက်သေးသောအ၀တ်များကို နေရာရွှေ့ပြီး လောလောလတ်လတ် လျှော်ပြီးသောအ၀တ်များကို ထုတ်လှန်းသည်။ လူမမာရှိသည့်အတွက် အ၀တ်လျှော်စရာတွေက နေ့တိုင်းရှိပါသည်။ မိုးများသော မိုးတွင်းဖြစ်သည့်အလျောက် လှန်းထားသည့်အ၀တ်များ အချိန်တိုအတွင်းသွေ့ခြောက်ရန် မလွယ်ကူသည့်အတွက် အနည်းငယ်စိတ်ပျက်ရသည်။

ဒီလိုနှင့် မွန်းတည့်ကျော်သွားသည့်အချိန်မှာ ထမင်းလည်းစောစားထား၊ အစားလည်းနည်းပြီး နှစ်နာရီခြားတစ်ခါလောက် စားတတ်သည့်အမေ့အတွက် ထမင်းမဟုတ်သည့် အစားအသောက်တစ်ခုခု အသင့်ဖြစ်နေရန် ပြင်ဆင်ပေးထားရသည်။ အမေ့ခြေထောက်ပြန်လည်သန်စွမ်းပြီး လမ်းပြန်လျှောက်နိုင်ရန်အတွက် နာရီဝက်လေးဆယ့်ငါးမိနစ်ခန့် လေ့ကျင့်ခန်းလုပ်ပေးပြီးချိန်တွင်တော့ ကျွန်မ ခေတ္တအိပ်စက်ပြီး အနားယူချင်စိတ်ပေါ်လာမြဲဖြစ်သည်။ နေ့လယ်ခင်းတစ်ရေးမှ မအိပ်ရလျှင် ကျွန်မ နောက်ထပ်အိမ်အလုပ်များကို ဆက်လက်လုပ်ဆောင်နိုင်ရန် လုံလောက်သောအားအင်မရှိသည့်အတွက် ခဏဖြစ်ဖြစ်တော့ မျက်စိမှိတ်လှဲလျောင်းရပါသည်။ ဧည့်သည်တစ်ဦးဦး သို့မဟုတ် လေ့ကျင့်ခန်းဆရာမရောက်သည့် နေ့လယ်ခင်းမျိုးမှာတော့ ကျွန်မအိပ်ခွင့်မရတတ်ပါ။ တရေးတမောအိပ်ပြီးနိုးထသည့်အခါ အမေ့ကို လက်ဖက်ရည်တိုက်၊ မုန့်ပဲသရေစာအနည်းငယ်ကျွေးပြီး ရေပတ်တိုက်ပေးရန် ပြင်ဆင်ရတော့သည်။

တစ်ကိုယ်လုံးကိုရေပတ်တိုက်သန့်စင်ပြီး အိပ်ရာခင်းများလဲပြီးချိန်တွင် ညနေ ၄နာရီသို့မဟုတ် ၄နာရီခွဲရှိသွားပြီဖြစ်သည်။ ကျွန်မလည်း နေ့ခင်းစာမုန့်စား၊ ကော်ဖီတစ်ခွက်ဖျော်သောက်ပြီး ၆၆ပုဒ်ပါသော ရွှေဥဒေါင်း၏ စုံထောက်ဝတ္ထုတိုပေါင်းချုပ်သစ်ထဲမှ ကျဘမ်းတစ်ပုဒ်ကို ရွေးပြီးဖတ်သည်။ တစ်နေ့တာလုံးမှာ ကျွန်မပိုင်သော ထိုမိနစ်သုံးဆယ်စာ အချိန်လေးသည် ကျွန်မအတွက်တော့ “ရွှေ” ဖြစ်သည်။

ညနေငါးနာရီထိုးသည့်အခါ မခြောက်သေးသော အ၀တ်များကို နေရာရွှေ့၊ တံခါးများမပိတ်ခင် ပန်းပင်ရေလောင်း၊ ဘုရားမီးပူဇော်ပြီးသည်နှင့်တပြိုင်နက် ညနေစာအတွက် ပြင်ဆင်ရတော့သည်။ အမေက အချဉ်ပါမှ ထမင်းမြိန်သည့်အတွက် ချဉ်ရည်ဟင်း ဒါမှမဟုတ် အချဉ်အရသာရွှမ်းသော အသုပ်တစ်ခုခုပါအောင် အမြဲထည့်ရသည်။ အသားဟင်းနှင့် အရည်သောက်ကို မနက်ကတည်းက နှစ်နပ်စာချက်ထားသော်လည်း အရွက်ကြော်နှင့် အသုပ်တစ်ပွဲကိုတော့ ညနေမှာ ထပ်ဖြည့်ရပါသည်။ ၆နာရီထိုးလျှင် အမေ့ကို ညနေစာကျွေးပြီး ဆေးတိုက်ရသည်။ ၇နာရီထိုးလျှင် ကျွန်မရေချိုးပြီး၊ ၇နာရီခွဲလျှင်တော့ ကျွန်မ တီဗီရှေ့ခဏထိုင်ကာ တစ်ရက်ကို ၁၀မိနစ်သာပြသော ဂျပန်ကားအတွက် အချိန်ပေးပါသည်။ တီဗီကြည့်ပြီး ကျွန်မထမင်းစား၊  အိုးခွက်ပန်းကန်များဆေးကြောပြီး အမေ့ကို လေ့ကျင့်ခန်းနောက်တစ်ကြိမ်လုပ်ပေးရန် အသင့်ပြင်ရသည်။

ည၈နာရီ၄၅မှာ ဆယ့်ငါးမိနစ်ခန့်ထုတ်လွှင့်သော ဘီဘီစီမြန်မာပိုင်းသတင်းအစီအစဉ်ကို အပြေးအလွှားကြည့်ပြီး အမေ့အတွက် ညအိပ်ရာဝင်ဖို့ ပြင်ဆင်ပေးရသည်။ အမေ့ကို သနပ်ခါးလူးပေးပြီးနောက် အိပ်ရာထဲမှာ ဘုရားရှိခိုး၊ နတ်ပင့်၊ ပရိတ်ရွတ်၊ မေတ္တာပို့၊ အမျှဝေ၊ နတ်ပို့ အားလုံးပြီးချိန်သည် ည၉နာရီခွဲနှင့် ၁၀နာရီကြားမှာဖြစ်သည်။ ဘုရားရှိခိုးပြီးသည်နှင့် ကုတင်ပေါ်မှဆင်းကာ အမေသောက်ဖို့ နွားနို့ပြေးကျို၊ ညလယ်စာအတွက် မုန့်အချို့နှင့်ပန်းသီးစိမ်းကို မုန့်ဗူးများထဲမှာ အစီအရီထည့်ပြီး အမေ့ကို ပေးထားရသည်။ အမေညည ဆီးထသွားနိုင်ဖို့အတွက်လည်း အမေမအိပ်ခင်မှာ ကြိုတင်ပြင်ဆင်ပေးရပါသေးသည်။ အားလုံးအဆင်သင့်မဖြစ်လျှင် အမေကောင်းကောင်း အိပ်မပျော်ပါ။

ဤသို့ဖြင့် ကျွန်မ၏ တစ်နေ့တာဝတ္တရားများသည် စောလျှင် ညဆယ်နာရီခွဲ နောက်ကျလျှင် ဆယ့်တစ်နာရီမှာ ပြီးဆုံးသွားတော့သည်။ မနက်ခင်းမှညရောက်သည်အထိ ကြိုကြားအချိန်များတွင် ဖုန်းပြေးကိုင်ရခြင်း၊ ဧည့်သည်လာလျှင် ဧည့်ခံရခြင်း၊ မကြာခဏဆီးသွားတတ်သော အမေ့ကို ဆီးတည်ပေးရခြင်း၊ ၀မ်းတည်ပေးရခြင်း၊ သန့်ရှင်းရေးလုပ်ပေးရခြင်း၊ တစ်နေ့နှစ်ကြိမ်သွေးပေါင်ချိန်တိုင်းပြီး စာအုပ်ထဲမှာရေးမှတ်ခြင်း၊ သုံးရက်တစ်ခါ သွေးချိုစစ်ပေးခြင်း၊ တစ်နေ့တာအသုံးစရိတ်များ Excel sheet ထဲမှာ စာရင်းမှတ်ရင်း လစဉ်ကျန်းမာရေးအသုံးစရိတ်ကို ထေမိကာမိရန် အခြားနေရာများတွင် ဘယ်သို့ဘယ်ပုံ ခြိုးခြံချွေတာနိုင်ရန် နည်းလမ်းရှာကြံစဉ်းစားရခြင်း၊ အမေ့ကို ဆေးရုံဆေးခန်းသွားပြရန်၊ ဆရာဝန်များနှင့် အပတ်စဉ်ချိန်းဆိုရန် ကြိုတင်စီစဉ်ရခြင်း ဒါတွေအားလုံး မပျက်ကွက်ရအောင် ကျွန်မတစ်ယောက်တည်း နေ့စဉ်လုပ်ဆောင်နေခဲ့တာဖြစ်သည်။

ကျွန်မအတွက် ကိုယ်ပိုင်အချိန်ဟုဆိုနိုင်သည့် အိပ်ရာဝင်ခါနီးအချိန်မှာတော့ ကျွန်မပင်ပန်းပြီး အရမ်းအိပ်ငိုက်နေပြီဖြစ်သည်။ အရေးကြီးသောအီးမေးလ်များပြန်ဖို့အတွက် အလွန်တရာနှေးကွေးလှသော အင်တာနက်ကို စိတ်မရှည်စွာစောင့်ရင်း မျက်လုံးတစ်စုံကို အတင်းပြူးထားရပါသည်။ ဒီလိုအချိန်ဇယားဖြင့် တစ်ပတ်ခုနစ်ရက် နားရက်မရှိ ပုံမှန်လည်ပတ်နေရသူ ကျွန်မအဖို့ စာရေးချိန် ဘယ်မှာ ရှိနိုင်ပါမည်နည်း။ 

ဒါတောင် အဖေနှင့်မောင်လေးက သူတို့အ၀တ်သူတို့လျှော် မီးပူတိုက်ပြီး၊ အဖေက မနက်၎နာရီခွဲမှ၇နာရီခွဲအထိ အမေ့ဝေယျာဝိစ္စတာဝန်ယူပြီး နံနက်စာကို စီစဉ်ပေး၍ ကျွန်မနဲနဲခံသာရသည်။ ဒါပေမယ့် ဟိုအရင်ကလို အပတ်စဉ် မီးပူမတိုက်နိုင်၊ အိမ်သန့်ရှင်းရေးကို စိတ်ရှိသလောက် အပြည့်အ၀မလုပ်နိုင်သေးသည့်အတွက် ကိုယ့်ကိုယ်ကိုအားမရ။ အိမ်သို့အလည်လာသော ကျွန်မ၏ ဦးလေးတစ်ယောက်ကတော့ သမီးက တစ်ယောက်တည်းနဲ့ အရာရာကို ထောင့်စေ့အောင်လုပ်ချင်တာကိုးဟု မှတ်ချက်ပေးသည်။ သူပြောတာလည်း ဟုတ်နေသည်။ ကျွန်မသူငယ်ချင်းတစ်ယောက် သူ့အဒေါ်ခြေကျိုးတုန်းက ခြောက်လလောက် အိမ်လုံးကျွတ်လူကုန် မနားရအောင် ပင်ပန်းကြကြောင်း၊ ကျွန်မအိမ်မှာလူပိုမရှိဘဲ တစ်ယောက်တည်း အမေ့ကိုပြုစုရင်း အိမ်အလုပ်လုပ်နေသည်မှာ အံ့သြစရာကောင်းကြောင်းပြောမှ ဘယ်လိုခွန်အားတွေနှင့် ငါလုပ်နိုင်နေတာပါလိမ့်ဟု ကျွန်မ ကိုယ့်ကိုယ်ကို သတိချပ်မိ၊ အံ့အားသင့်မိရပါသည်။

တကယ်တော့ ကျွန်မတစ်ယောက်တည်း ငါးလဆက်တိုက် သည်လောက်လုပ်နိုင်ခြင်းမှာ အချိန်စီမံခန့်ခွဲမှုကောင်းလွန်း၍ဖြစ်သည်။ နောက်ပြီး ကျွန်မက ဘယ်အရာကိုမဆို မြန်မြန်သွက်သွက် လုပ်တတ်သည့်အကျင့်ရှိသောကြောင့်လည်း ဖြစ်ပါလိမ့်မည်။ ဒီလိုအခြေအနေမျိုးမှာမှ ကျွန်မက စာရေးချိန်ကို ကျောက်ခဲရေညှစ်ထုတ်သလို ညှစ်ပြီးယူချင်နေခြင်းသည် ကိုယ့်ကိုယ်ကို မညှာတာရာ ကျလွန်းမှန်းသိနေပါသည်။ နင်ရူးနေပြီလားဟု တစ်စုံတစ်ယောက်က ဝေဖန်ခဲ့လျှင်လည်း ဟင့်အင်း… ကျွန်မစာမရေးရရင်သာ ရူးသွားနိုင်တာ၊ စာရေးနိုင်သရွေ့ရူးမှာမဟုတ်ဘူးဟု ပြန်ပြောမိမှာ သေချာသည်။

တကယ်လည်း ကျွန်မ ရေးချင်သောစာ မရေးရသည့်အခါ၊ စာရေးချိန်မရသည့်အခါ နေမထိထိုင်မသာဖြစ်၍ နေလို့မကောင်းသလိုပင် ခံစားရသည်။ ငယ်ငယ်က လွန်းထားထားနှင့် အင်တာဗျူးတစ်ခုကို မဂ္ဂဇင်းတစ်အုပ်မှာ ဖတ်ရသည့်အခါ စာရေးခြင်းနှင့် ပတ်သက်ပြီး ကျွန်မက စာမရေးရလျှင် လက်တွေဘာတွေတောင် တုန်လာတတ်တယ်ဟု ဆရာမက ပြန်ဖြေသည်ကို နဲနဲပိုသည်ဟု ကျွန်မ ထင်ခဲ့မိသည်။ ခုချိန်မှာတော့ ကျွန်မက အောင်မြင်ကျော်ကြားသော စာရေးဆရာမတစ်ယောက် မဟုတ်သည့်တိုင် ကျွန်မ၀ါသနာပါသော စာရေးခွင့်မရဘဲ အိမ်အလုပ်တွေနှင့် အချိန်ကုန်ဆုံးသွားလျှင် ကျွန်မရူးသွားနိုင်သဖြင့် ဆရာမ မပိုကြောင်းကို ကျွန်မ နားလည်ခံစားတတ်ခဲ့ပြီဖြစ်သည်။

ကျွန်မမွေးနေ့အတွက် ပို့စ်ရေးတုန်းက ကျွန်မအိပ်ချိန်ထဲမှယူပြီး ရေးခဲ့ရသည့်အတွက် နောက်တစ်နေ့မှာ ကျွန်မအိပ်ရေးမ၀ဘဲ အပင်ပန်းပိုခဲ့ရသည်။ ကျွန်မ စာမဖြစ်ဖြစ်အောင် ရေးချင်လျှင်တော့ ကျွန်မအနားယူချိန်၊ အိပ်ချိန်တွေထဲက ဖဲ့ယူပြီးရေးမှရမည်။ တလောက ကျွန်မ သတင်းစာအတွက် ဆောင်းပါးရေးရင်း အချိန်လွန်သွားသဖြင့် အမေ့ကို ရေပတ်တိုက်ပေးဖို့ ပျက်ကွက်ခဲ့ရသည်။ အဲသည်လို လုပ်ဆောင်နေကျ ၀တ္တရားတစ်ခု အပျက်ကွက်ခံပြီး ရေးလျှင်တော့လည်း ရနိုင်သည်ပေါ့။

တကယ်တော့ ကျွန်မရေးချင်သောစာတွေ အများကြီးရှိနေသည်။ ကျွန်မလွမ်းဆွတ်နေမိသော အင်ဒိုရာညနေခင်းအကြောင်းတွေ၊ ကျွန်မတွေ့ဆုံခဲ့ရသော အာရှနဲ့အရှေ့အလယ်ပိုင်းက သူငယ်ချင်းအသစ်အကြောင်းတွေ၊ ညို့ကိုပြောပြချင်တဲ့ ခရီးစဉ်တစ်ခုအကြောင်းတွေ၊ နောက်ပြီး သတင်းစာအတွက် ဆောင်းပါးတွေ၊ အပျိုစင်မဂ္ဂဇင်းအတွက် လစဉ် အခန်းဆက် ခရီးသွားဆောင်းပါးတွေ … အများကြီးရေးဖို့ ရှိနေပါသေးသည်။ ရေးနိုင်ဖို့ကိုလည်း အားထုတ်ရပါမည်။ 

တစ်ခုပဲရှိသည်၊ ကျွန်မ ရေးချင်သောစာတွေ အားလုံးအတွက် အေးအေးဆေးဆေး အချိန်ပေးပြီး မရေးနိုင်သေးတာဖြစ်သည်။ ဆရာမဂျူးက အေးအေးဆေးဆေး စာဖတ်ဖို့ မကြာခဏကြွေးကြော်မိသော်လည်း ဝေးနေဆဲဖြစ်ကြောင်း ဆောင်းပါးတစ်ပုဒ်မှာ ရေးခဲ့ဖူးသလို ကျွန်မသည်လည်း အေးအေးဆေးဆေး စာရေးနိုင်ဖို့ ဆန္ဒပြင်းပြနေသော်လည်း အကောင်အထည်ဖော်ဖို့ရာ အဝေးကြီးဝေးနေဆဲဖြစ်ကြောင်း လတ်တလောဖြတ်သန်းရသော အခြေအနေက သက်သေထူနေပါသည်။ 

လောလောဆယ်မှာတော့ စာရေးချင်သည့် ဆန္ဒကို မချိုးနှိမ်နိုင်၍ အနားယူချိန်မှာ မယူဘဲ စာရေးနေမိသည့်ကိုယ်ကိုယ်ကို အပြစ်မတင်မိတော့ပါ။

အေးအေးဆေးဆေး စာရေးနေသည့် ကျွန်မပုံရိပ်ကို စိတ်ကူးထဲမှာ မြင်ယောင်တမ်းတရင်း အေးအေးဆေးဆေး စာရေးဖြစ်ခဲ့သောအချိန်များကို ကျွန်မ လွမ်းနေမိပါသည်။

ဇွန်မိုးစက်
၂၈-၇-၂၀၁၄
ညနေ ၄နာရီ၂၀မိနစ်

Comments ( 10 )

အမဇွန်ရေ စာတွေ အေးအေးဆေးဆေး ရေးပါ။ စောင့်ဖတ်နေပါတယ်။

ညီမလေး အနောနီးမတ်စ်ရေ... စိတ်ရှည်လက်ရှည်နဲ့ မဇွန်ရဲ့စာတွေကို စောင့်ဖတ်ပေးမယ်ဆိုလို့ တကယ့်ကို ကျေးဇူးတင်ပါတယ်။ ရေးဖို့အားလည်း ပိုရှိသွားတယ်။ တကယ်ပါ။း)

ဒီစာနဲ့အတူ အားပေးလျှက်ပါ ဇွန်၊
စာမရေးရရင် လက်တွေ တုန်တယ် ဆိုတဲ့ လွန်းထားထားထက် ပိုတာ ရှိပါတယ်၊
စာမရေးရရင် ရင်တွေပန်းတွေ တုန်ပြီး အသည်းယားသလိုတောင် ဖြစ်နေတတ်တာ ဒီမှာ ရှိပါတယ်၊
ဇွန်လည်း အဲဒီလို ဖြစ်မှာလို့ တွေးနေမိတယ်၊
ရသမျှ အချိန်လေးမှာ ဖတ်ရတဲ့စာဟာ အရမ်းကို အရသာရှိတယ်နော်၊ ကိုယ်ချင်းစာပါတယ်၊
Fighting!

အမြဲအားပေးနေတဲ့အတွက် ကျေးဇူးပါ အစ်မပြုံးရေ။ ဟုတ်တယ်နော်... ရသမျှအချိန်လေးမှာ လုပြီး ဖတ်ရ၊ ရေးရတဲ့စာတွေက သိပ်အရသာရှိတာပဲ။း)

ညီမလေးရေ အမြဲအားပေးနေတယ် မေမေလဲမြန်မြန်နေကောင်းပါစေလို့ဆုတောင်းပေးမယ်နော်

ဖြည်း၂ရေးပါအမ။ စောင့်ဖတ်နေပါ့မယ်။

ညီမ ရန်ကုန် ပြန်သွားတာသိပေမဲ့ ညီမ မေမေနေမကောင်းတာ အမ မသိလိုက်ဘူး... မိဘကို ပြုစုရတဲ့ သားသမီးတစ်ယောက်ရဲ့ ကုသိုလ်ဟာ ဘာနဲ့မှ မတူပါဘူး... ညီမ မေမေနေကောင်းဖို့လည်း ဆုတောင်းမေတ္တာပို့ပါတယ် မေမေနေပြန်ကောင်းလာရင် ညီမ စာတွေရေးနိုင်ဖို့ အချိန်ရလာမှာပါ။

အားပေးတဲ့အတွက်ရော... ဆုတောင်းပေးတဲ့အတွက်ပါ ကျေးဇူးပါ မမအနောနီးမတ်စ်။ :)

စိတ်ရှည်ရှည်နဲ့စောင့်ဖတ်ပေးမယ်ဆိုလို့ Thanks again ပါ ညီမရင်ငြိမ်းသူရေ။ ;)

မမသက်ဝေ... အကြောင်းမကြားမိတဲ့ ဇွန့်ကို ခွင့်လွှတ်ပါနော်။ အမပြောသလိုပဲ ဒီလိုအချိန်ခါမှာ ပညာတွေ ဥစ္စာတွေ မရပေမယ့် ကုသိုလ်တွေရတာပဲဆိုတဲ့စိတ်နဲ့ အားလုံးကို ဖြေသာလိုက်ပါတယ်။ မေမေ့အတွက် ဆုတောင်းမေတ္တာပို့သပေးတဲ့အတွက်လည်း အမကို ထပ်ဆင့်ကျေးဇူးတင်ပါတယ်။ မေမေ့ကိုလည်း ပြောပြလိုက်မယ်နော်။း)

မဇွန်

မဖွန်မိုးစက် ဘ၀မှာ ခုချိန်က တန်ဖိုးအရှိဆုံး ဖြစ်နေမလားပဲ။ ဖတ်ရတာ တန်ဖိုးရှိလိုက်တဲ့ အချိန်ကုန်ဆုံးပုံတွေ။ မနက် သံဃာတွေ ဆွမ်းလောင်းဖို့ စီမံပုံတွေ ဖတ်ရတာနဲ့တင် သာဓုခေါ်မိတယ်။ လူမမာအမေကို ပြုစုပေးတာတွေရော။ နေ့စဉ်အချိန်တွေ ကုန်ဆုံးရကျိုး နပ်ပါပေတယ်။

အမသက် ပြောတဲ့ မိဘကို ပြုစုရတဲ့ သားသမီးတစ်ယောက်ရဲ့ ကုသိုလ်ဟာ ဘာနဲ့မှ မတူပါဘူး ဆိုတာ သိပ်မှန်ပါတယ်။ အမ ရေးထားတာဖတ်မိတော့မှ ကိုယ်ပိုင်အချိန်တွေကို ဖြုန်းတီးနေမိတဲ့ နောင့် ဘာသာရှက်မိတယ်။ အမ ရေ အန်တီလဲ အမြန်ဆုံးပြန်လည်ကျန်းမာလာပြီး အမလဲ အေးအေးဆေးဆေး စာတွေ ရေးဖတ် နိုင်ပါစေနော်။