သိမှတ်ဖွယ်

Category:

တစ်ခြားသူတွေအဖို့တော့ မသိဘူး။ ကိုယ့်အတွက်က စနေ၊တနင်္ဂနွေ ဆိုရင် အချိန်ရှားပါးတတ်တယ်။ ရေးချင်တာလေးတွေ ရှိနေတာတောင် အချိန်မရလို့ ထပ်မရေးဖြစ်သေးဘူး။ ကြားရက်ဆို ကိုယ့်အတွက် အချိန်ပိုရတတ်ပါတယ်။ ဒီနေ့လည်း နေ့လည်လုပ်အားပေးစာသွားသင်ပြီး တစ်ဆက်တည်း တရားပွဲဆက်သွားမှာ ဖြစ်တဲ့အတွက် စာရေးချိန်မရတော့လို့ ဗုဒ္ဓဘာသာဝင်မိတ်ဆွေတို့အတွက် တရားပွဲနဲ့ ပတ်သက်တဲ့ မှတ်သားစရာလေးတစ်ခု မျှဝေလိုက်ပါတယ်။

"နာကိုး တောင်းရှစ် သာဓုတစ် ဟောလစ်အသေင်္ချေ"

အဓိပ္ပာယ်အကျယ်ကတော့ တရားတစ်ပွဲနာသူက ကိုးကမ္ဘာအပယ်မလားပါဘူးတဲ့၊
တရားတောင်းသူ၊ တရားပွဲဖြစ်မြောက်အောင် စီစဉ်ဆောင်ရွက်ပေးကြသူများက ရှစ်ကမ္ဘာနဲ့ တရားပွဲ မသွားနိုင်သော်လည်း တရားနာပြန်လာသူအတွက် သာဓုခေါ်ရုံနဲ့ တစ်ကမ္ဘာ အပယ်မကျဘူးလို့ ဆိုပါတယ်။ တရားဟောသူအတွက်တော့ မရေမတွက်နိုင်အောင် အပယ်မလားတော့ပါဘူးတဲ့။ ဒါကြောင့် တရားလည်းနာရုံမက ကိုယ်နာခဲ့တဲ့တရားလည်း ပြန်ပြီးဝေမျှနိုင်မယ်ဆိုရင် ကမ္ဘာနဲ့ချီပြီး အပယ်မကျတော့ပါဘူးလို့ မှတ်သားစရာ သိရပါတယ်။

ပျော်ရွှင်သော တနင်္ဂနွေနေ့ဖြစ်ပါစေ။

ချစ်ခင်လေးစားလျက်

ဇွန်မိုးစက်

Comments ( 0 )